A B C D E F G H I J K L M N O P Q R S T U W X Y Z
Ehmedê Xanî - Neqqaşê Ezel
252 Xwendin
1 Ecibandin
Asoya Helbesta Kurdî

Ehmedê Xanî - Neqqaşê Ezel

Neqqaşê ezel roja serlewheyê rengîn da
Pergalê di destan bû, ser sefhe ku tezyîn da
Tezhîbê zerefşan kir serlewhê kitaba îşq
Resma ezelî kêşa, neqşê xwe newalîn da
(nû anîn da)

Dîbace ku înşa kir, fihrîste ku îmla kir
Cildek ji enasir best, nefxek di sufalîn da
Etfalê melek hatin, westane debistanê
„La îlme lena´´gotin, ´´Ebced´´bi xwe telqîn da

Wan sade ruxan mesqê îşqê ku temenna kir
Xettatê ji husnîl-xet sermeşqekî zêrrîn da
Ma secde tenê min bir ber sûretên mehbûban
îblîsê nebir secde, lew maye di nefrîn da

Ez çûme derê dêrê min dîtî ku rûhullah
Tekrarî musewwer bû hetta di nihalîn da
Wan cumle „Enel-heqq“ got, min „Wahidê mutleq“ got
Saqî bi xwe ez girtim camek meyê nosîn da

Herçî ku me ber pê kir, hindî me nezer lê kir
Min seyrek li yêkê kir, lew mame di lewlîn da
(lewra me dil û dîn da)
Min dî heme yek pertew sarî di mezahir da
Mumkin heme jê pirr nûr, emma ne di temkîn da

Ew bû ku Zelîxayê îdînî di Yûsif da
Mecnûnê di Leylayê, Ferhadê di şirîn da
Misbahê ebed min dî îrohe di qendîlê
Genca ezelî merkûz min dî di gil û tîn da

Cana ji cemala Te ez dê çi bibim sabir
şeyxan û ûlul-Ezman canê xwe di kalîn da
Me’zûr e eger sofî bit munkirê mehbûban
Kor dê çi tesewwur ket sirra ku di dûrbîn da

şahid bî tu ey zahid, mehbûbî perestim ez
Bê sahid û mey nabim, şêxê me ew ayîn da
Canî ji te ey Xanî! Cana ku bixwazîtin
Xa noqte li bin danî, fîl-halî di hêlîn da
Şîrove
Celal Helo
17-01-2021, 00:57:38
Raste ku Ehmedê Xanê, Melayê Cizîrê, Feqiyê Teyîra û hwd helbestvanên mezin bûn, lê gelo van helbestvanan xizmeta Zimanê Kurdî kiriye yan jî Zimanên din, yên mîna Farsî, Erebî û Tirkî?
Jiber ku helbest û hozanên wan bi şêweyekî wisa hatîne nivîsîn, ku Mirovê kurd, yê ku Zimanên Erebî, Farsî û Tirkî nizanibê, li wan tênegihê.

Ka tu şîroveyeke giranbuha li vê helbestê nakî?