A B C D E F G H I J K L M N O P Q R S T U W X Y Z
Ehmed Huseynî - Dayîk
409 Xwendin
0 Ecibandin
Asoya Helbesta Kurdî

Ehmed Huseynî - Dayîk

Di esra teng de
di esra bêreng de û
di benefşa demê de
giyan xwe spartibû
dara hinarê
li ser serê te hechecîkên
serdema giryanê
- Kurê min!
Rewrewka dîrokê em xapandin
Axxdayê!!
De bi tayê xwe ê şima kirî
kefenê roka ber êvarê bidirû!
-Pîrka we pir ji we hez dikir
Bastîq û benî ji we re dianî
Li gundikê Sem`o mast ji we re dimeyand
Karwanên evînê, toza birînê
Bi gavên xwe re dikişand.

-Serxet û Binxet nebû
Lê belê xalê we di qiçîna Tebaxê de bi mayinan hatibû kuştin.
Di esra teng de
dara hinarê digrî
Hechecîk dişkin
Serdem dibawişkin
û bîranînên te
li hawîrdorî zaroktiyê rûdiniştin.

*Ji "Nav û Dabeşkirina Xewnên Hîroyê"
Şîrove

Ka tu şîroveyeke giranbuha li vê helbestê nakî?

Helbestên din ên Helbestvanî/ê