Ednan Bermazî - Vaj Mi Ra

Koyê berzan, berzê vewran, hoyrê baran, vaj mi ra
Rinda amnan, tînca xortan, vengê eşqan, vaj mi ra.
Halê rindan, tornê mirdan, keyna girdan, ça der a
Awka şehran, gilê lerzan, şermê cin’yan, vaj mi ra
Serdê koyan, germê deştan, velgê kaşan, ça der a
Girdê eş’ran, heqqê gencan, şikrê zerran, vaj mi ra
Kermê sayan, kendê mişkan, tersê maran ça der a
Merdê goran, ternê daran, dengê veyşan, vaj mi ra
Tînca aşman, kîbrê erdan, rengê mirdan, ça der a
Persê ver’nan, eslê merdan, hemdê nanan, vaj mi ra
Xortê Bermaz, ferqê kaşan, deştê zerdan ça der a
Sebrê mayan, hesrê çiman, nem’rê destan vaj mi ra