A B C D E F G H I J K L M N O P Q R S T U W X Y Z
Ebdulla Goran - Kurdistan
281 Xwendin
0 Ecibandin
Asoya Helbesta Kurdî

Ebdulla Goran - Kurdistan

Kurdistan cêgamî, cêy hezar sallem
Perwerdey em doll û ser lûtke û yallem

Henasem têr bonî bay kwêstante
Dû lêwem parawî befirawante

Sirincim rahatûy zîwî zerrkefte
Be zerdî ser befrî êware wexte

Gwêm fêre bîstinî xurrey qellbeze
Lew `astey jûr befre, dawên giyay sewze

Zimanim pişkutûy qisey ciwante
Qisey naw goranî şaxekante

Hî naw çîrokî gwê agirdante
Hî naw laylayey minallante

Qullpê ba xwênî naw demarekanim
Be zebrî `îşqî to neyda nezanim

`Eşqî to, ey daykî xom û hawxwênim
Her le piştî bawka çuwe hewênim

Eşçête hewênî kurr û kurreza
Ta taqê kurd mabê le çiyay berza