A B C D E F G H I J K L M N O P Q R S T U W X Y Z
Ciwan Nebî - Şahiya Serkeftinê
33 Xwendin
0 Ecibandin
Asoya Helbesta Kurdî

Ciwan Nebî - Şahiya Serkeftinê

Ceng bi dawî dibe
li bajar şahiya serkeftinê li dar dikeve
li çepî bajar
li cihê ku em têkçûn
em yên têkçûyî
werin em li şahiya serkeftinê amade bibin.

Em yên ku me tiştek nekirî
bi tenê me canê xwe bi qurbana cengê kir
mala xwe, bajar û welatê xwe
werin em li mêraniyên wan guhdarî bikin.

Em yên bêdest mayî
werin em li çepikan bixin
Em yên bêling mayî
werin em dîlanê bikin
Em yên mirî
werin li şahiya serkeftinê
li stranên jiyanê guhdarî bikin.

Ceng bi dawî dibe
li bajar şahiya serkeftinê li dar dikeve.
Şahiya serkeftina me li ser me
şahiya têkçûna me li ber me.

*Bi destûra helbestvanî ye.
Şîrove

Ka tu şîroveyeke giranbuha li vê helbestê nakî?