A B C D E F G H I J K L M N O P Q R S T U W X Y Z
Cîhan Roj - Peyvek Xav, Gotineke Xalî
156 Xwendin
0 Ecibandin
Asoya Helbesta Kurdî

Cîhan Roj - Peyvek Xav, Gotineke Xalî

Dibim kerengperek
têm
li ber kevirekî li nêzî we disekinim
Ba tê
Pirsa gunehên xwe ji we dikim
Guhê mi li dengbêj e
Bi deng re
ji kesî navê gunehan seh nakim
Deng dibêje
Peyv dibêje
Zeman dibêje
“guneh mij e”

li bilindciyan navûdeng dide
Tu lûtkeya çiyê bî
bibî masî bê av bimînî
Tu peyv bî
bibî navê qelema ku guneh kirine rengê şevê!
Guneh havên e
Guneh çîrok e
Heke ji te tê nekeve ser zar û zimanan
Qelemê
guneh kirine rengê şevê
bi tirs e
aya
her dimîne li benda şevê
ew ê sirên xwe bihêle ji şevê re
hahûûûû
serê qeleman jî ne li ser balîfekê ye…

Serhedî ardevkan diavêjin sobeyan
Agir ziman daye
Daran çîçeg lêxistine
Peyayek kal yê kêfhal
Dibêje, “Aqil dunyayê dixwe…”
Li şaxên bi berf ên darê
ku li awakî ne
dinihêrim
Qelemeke sora sosinî, kaxizeke qermiçî;
Hinek hevok dibin mîna xewnên şevan
Hinek xewnên şevan dibin mîna hevokên helbesta ku derî lê vekirî…
Peyvek xav, gotinek xalî dihêlim li terazinê dil û mejîyan…

*Bi destûra helbestvanî ye.