A B C D E F G H I J K L M N O P Q R S T U W X Y Z
Cemîl Denlî - Piştî Çûna Te
996 Xwendin
0 Ecibandin
Asoya Helbesta Kurdî

Cemîl Denlî - Piştî Çûna Te

Piştî çûna te
Bi ser sergoyên bajêr ketibûm
Dimeşiyam
Ewran hêsir dibarandin
Di nava şêniyên xewnan re
Kolan û kuçe dibihurîn
Porê te li serê her kuçeyê
Xwe berdida serçavên karxezalan
Bi xwe re dibirim wargehên jorîn

Mijek çêdibû ji bejn û bala te
Henûniyê xwe berdida ser
û bi dûr diketin

çûkên ser berfê
Li ber bayê zemanan
Li ser bermayiya evînê
Min û seqemê
Qala germiyanan dikirin ji hev re

Piştî çûna te
Gelek siwar ji hespên xwe xeyidîn
Gelek qop û kulek li dû karwanan man
û reva min bi qasî dirêjbûna gulîkên te bû
Ew çend bi dûr diketim
Ew çend nêzîk û dîl dihatim
Piştî çûna te
Şîrove

Ka tu şîroveyeke giranbuha li vê helbestê nakî?