A B C D E F G H I J K L M N O P Q R S T U W X Y Z
Cegerxwîn - Ma Yek Ji We Nabî Beran
120 Xwendin
0 Ecibandin
Asoya Helbesta Kurdî

Cegerxwîn - Ma Yek Ji We Nabî Beran

Her yek me'aşek dane wan , lê hûn pezê tim bê şivan
Ma yek ji we nabî beran , hûn ên kul û derdane bes

Bê padişah û dewletin , lewra ku hûn bê rûmetin
Îro tenê hûn kêm ketin , ev kêmiya kurdane bes

Herçî nezane wek meye , dîsa ewî piştek heye
Herdem li pey doza xweye , leşker li pişt sîpane bes

Em kurd tenê bê mêr û pişt , dijmin li hawîr çar tenişt
Hawîr dibarin tîr û xişt tim kuştin û zindane bes

Pişta xwe em nadin 'Ecem , da em bijîn tev dem bi dem
Bê kuştin û derd û elem , em kurd kurê Keyane bes

Kesra û Key tev yên me bûn , Eyran û Kurdistan ne bûn
Firsa kevin tev têde bûn , Rustem li nêv meydane bes

Gazî dikim xortên di nû , winda bikin herçî ku çû
Ên wek Cegerxwîn ka ji kû , ew rêberê xortane bes.

*Çavkanî: Pirîsk û Pêtî, rr: 9-10, tirej.info
Şîrove

Ka tu şîroveyeke giranbuha li vê helbestê nakî?

Helbestên din ên Helbestvanî/ê