A B C D E F G H I J K L M N O P Q R S T U W X Y Z
Cegerxwîn - Leyla Şehîd
357 Xwendin
0 Ecibandin
Asoya Helbesta Kurdî

Cegerxwîn - Leyla Şehîd

şêr, şêre, mêre yan jine
Nîşan bi dest, Leyla mine
Polaye dil wek asine
Leyla kîye ?
Leyla jine.
Leyla mine.
Leyla mine...
Leyla mine, Leyla welêt
Wê dil li min kir ar û pêt
Mizgîn li kurd roja me têt
Dijmin ji tirsan maye şêt
Leyla çîye ?
Leyla jine.
Leyla mine.
Leyla mine...
Sitêr ji ezman hate xwar
Zer bûn li min bax û bihar
Rabin xew ey xwendewar !
Tev mêr û jin bibne şiyar.
Leyla kîye ?
Leyla jine.
Leyla mine.
Leyla mine...
Daser te taca Erdeşêr
Navê te dinvîsim bi zêr
Jin nû dibin wek şêr û mêr
Leyla çîye ?
Leyla jine.
Leyla mine.
Leyla mine...
Leyla kaça Mît û Meda
Canê xwe da di ber me da
Bijîn heçî ko canfida
Xweş bin ji te jar û geda
Leyla kîye ?
Leyla jine.
Leyla mine.
Leyla mine...
Leyla delal û pir çeleng
Leyla ciwan û şox û şeng
Xwe daye kuştin wek pileng
şêre li nav kur daye deng
Leyla kîye ?
Leyla jine.
Leyla mine.
Leyla mine...
Leyla çiraxa şevreşe
Wê rû li kurdan kir geşe
Kuştin bi me kurdan xweşe
Zordarî îdî nameşe
Leyla kîye ?
Leyla jine.
Leyla mine.
Leyla mine...
Bi wê li kurd ron bûye şev
Jin bûne wek Leyla me tev
îdî nema hêjaye rev
Ey kurd de destan bidne hev !
Leyla kîye ?
Leyla jine.
Leyla mine.
Leyla mine...
Divêm li pey te bêm ejî
çibkim bi vê jîna rijî ?
Xwînê nerejî napijî
Leyla bijî, Leyla bijî !...
Leyla çîye ?
Leyla jine.
Leyla mine.
Leyla mine...
Pir şerme ey xortê ciwan !
Keç bêne kuştin pehlewan
Win jî temaşa kin li wan
Rûmet çiye ey xwendewan ?
Leyla çîye ?
Leyla jine.
Leyla mine.
Leyla mine...

Êrîş bikin rengê Ziya
Zû derkevin jorên çiya
Bigrin li ber dijmin riya
Ka: Hor û Mît û Mîdîya ?
Leyla kîye ?
Leyla jine.
Leyla mine.
Leyla mine...
Leyla bijî, sed aferîn
Ji bo me bûye ol û dîn
Dîsa li min derbûn birîn
Hetta ciger min bûye xwîn
Leyla kîye ?
Leyla jine.
Leyla mine.
Leyla mine...
Şîrove

Ka tu şîroveyeke giranbuha li vê helbestê nakî?

Helbestên din ên Helbestvanî/ê