A B C D E F G H I J K L M N O P Q R S T U W X Y Z
Cegerxwîn - Ev Dinya Pir Xweş e
193 Xwendin
1 Ecibandin
Asoya Helbesta Kurdî

Cegerxwîn - Ev Dinya Pir Xweş e

Pir xweş e pir xweş e
Ev dinya pir xweş e
Yar paldaye ser min
Rû wek gula geş e

Dev likenin sorgul
Ser dihejin sunbil
Xurxur ji avê tê
Hilm û sirra bê tê

Pir xweş e pir xweş e
Ev dinya pir xweş e
Yar paldaye ser min
Rû wek gula geş e

Destê yar bi destim
Ez serxweş û mestim
Kûpik dev û lêvin
Mêze herdû sêvin

Pala xwe da ser min
Bê fehêt û şermin
Gelek xweşe ev jîn
Em bûne wek Mem û Zîn

Pir xweş e pir xweş e
Ev dinya pir xweş e
Yar paldaye ser min
Rû wek gula geşe

Em zava û bûk in
Pêwan li me çûk in
Pal dane ser şînî
Kesek me nabîni

Hawir me zennar in
Perde pel û dar in
Guldestê evûnê
Daxwaza vê jînê

Pir xweş e pir xweş e
Ev dinya pir xweş e
Yar paldaye ser min
Rû wek gula geş e

(…)
(Dîwana 4a, Ronak)
Şîrove

Ka tu şîroveyeke giranbuha li vê helbestê nakî?

Helbestên din ên Helbestvanî/ê