A B C D E F G H I J K L M N O P Q R S T U W X Y Z
Cegerxwîn - Bargiran Im
370 Xwendin
0 Ecibandin
Asoya Helbesta Kurdî

Cegerxwîn - Bargiran Im

Bargiran im ez, rê dûr û serkaş
Xûz im, piştkul im, dimênim li paş

Kerwan xwe gihand qûnaxê sivik
Kerajo nezan û rêçika me şaş

Bargiran im ez, piştkul û birçî
Li paş kerwan jî herim dîsa baş

Milet nezan e, e jî perîşan
Lêdan û zindan, kuştin jî, rapaş

Milet dixwazî sivik herim pêş
Lê bar giran e, tê re, li ser xaş

Bi zor min tajon, nizanim ka rê?
Li pêş me: av û çirav û co, aş

Ketin û rabûn, lê tim diçim ez
Dilê min pir xurt, bi fort û şabaş

Barê min giran, berê min li jor
Rêça min dijwar, hemî rêl û kaş

Dengek ji dûr hat gote min:
Bar hilgir weza, sêfî û bê maş!

Jê re divên: Êm tîmareke baş
Em derdê bargîr, av derdê ger, aş

Pêncî sal in em ji wer dibêjin
Bargiran, piştkul wer diçim li paş

Cegerxwîn, bes in gilî û gazin
Di nav nezanan nabênî yek baş!
Şîrove

Ka tu şîroveyeke giranbuha li vê helbestê nakî?

Helbestên din ên Helbestvanî/ê