Bîlal Zîlan - Kam o Ez?

xorinîya tarixî ra hetanî ewro
nêmerdo ez
vera verganê gonîweran de

welatî bikê lete-lete
nêqedîyeno ez
parçe-parçe bibo
beyntarê sînoran de

kiştiş, zîndan, îşkence
nêkewto ez
binê bîrê zîletî
û çala minetî
verê linga dişmenî de

dîyarbekir, dêrsim, pîran
nêvinderto ez
hetanî mehabad, helebçe, zîlan
vejîyayo sey rojî bajaran de

visneno kindirê esaretî
kurd o ez
hesreta azadîya şîrinê zerrî de...

*Kovara Şewçila, 2011