A B C D E F G H I J K L M N O P Q R S T U W X Y Z
Bêwar Ibrahîm - Nameyek Ji Bo Qederê
97 Xwendin
0 Ecibandin
Asoya Helbesta Kurdî

Bêwar Ibrahîm - Nameyek Ji Bo Qederê

Dixwazim
Bigrîm
Lê kaniyên hêsiran
Di hinavên sar de kûrin
Dernabin...

Dixwazim
Bangkim
Lê awazên rût
Li ser têlên deng
Lalin...
Koknabin...

Dixwazim
Bimrim
Lê qiralê mirinê
Kefen didize
û deriyên gorên reş
Li ber min
Venabnin...

Dixwazim
Bibim kewek
Bi qebqeb
Aza bifirim
Li deşt û çiyan
Lê ravên segvanan
Her vegirtîne
Zor û
Xerabin.

Dixwazim
Bibim dengê
Bêzaran
Lê xecerên sot
Li ser gerdena min
Nevyane
Ranabin

Dixwazim
Bibim qulingekî mişext
Lê qedera reş
Germiyan kir
Berf û
Zozan kir
Ar
çendî difirim
Esmanê bê stûn
Dibe gerînok
Hêviyên sêwî ji xew
Ranabin..

Dixwazim
Bibim pênûsek bê deng
Li nav tiliyên yar
Lê şermî û duduliyê
çav li me vekirin
Da em ji mestiyê
Rabin
Da em ji mestiyê
Rabin...
Şîrove

Ka tu şîroveyeke giranbuha li vê helbestê nakî?