A B C D E F G H I J K L M N O P Q R S T U W X Y Z
Berken Bereh - Mîna Min
104 Xwendin
0 Ecibandin
Asoya Helbesta Kurdî

Berken Bereh - Mîna Min

Min têra xwe bajar û bajarok dîtin
Hinek ji wan dişibiyan xewnên min;
Rengereng û kemberzivîn.

Min gelek çem û robar dan ber bayê xwe
Hinek ji wan dişibiyan min;
Delodîn, diltenik û bejinzirav.

Min gelek mrov nasîn
Tev dişibiyan welatê min
Sîngesmer, zarşîrîn û bi birîn.

Min gelek demsal şopandin;
Bêhtirîn wan
Baskên xwe dîyarî azadiyê kiribûn
Mîna min.

Xewna Dawî, Lîs, 2016, r.,69
Şîrove

Ka tu şîroveyeke giranbuha li vê helbestê nakî?