A B C D E F G H I J K L M N O P Q R S T U W X Y Z
Bêrî Bihar - Xew Lê Herimî
146 Xwendin
0 Ecibandin
Asoya Helbesta Kurdî

Bêrî Bihar - Xew Lê Herimî

Dîsa şev di nava xwe de qehirî.
Xewa şevê lê herimî…

Ewrên bar(an) giran,
Ji şevê reştir,
Bi ser de digirî,
Lehiya hesiran diherike hêdî hêdî,
Wek biçe diziya feqîran,
Li kolanên bêxwedî,
Hêdî hêdî dilivînin sivêrnekên pûş…

Xewherimî,
Dijwarî,
Di dil de dilîze,
Heman şanoyên wateşûr,
Qetla gumanan dike,
Bi peyv û hevokan…

Her tişt bi ser de tê,
Dibe qûbik.
Girek bilind, ser sipî.

Heman xerabî cihên xwe dizanin,
şevreşî, Xewherimî,
Xerîbî,
û…
Di nav germahiya hilmek tînnas,
Li nik te dirêj,
Destên xwe dirêj bikî, wê maçî bike.
Hilma evîneke,
Hurik,
Wek kulilkeke hespa,
Herî sipî, çavbelek,
Ew e, maniya li dûrî mayîn,
Ku te,
Bê welat diegilîne,
Siya hilmek germ e,
Te li durîtiyê bi şîr û hûngiv,
Xwedî dike…
Şîrove

Ka tu şîroveyeke giranbuha li vê helbestê nakî?