A B C D E F G H I J K L M N O P Q R S T U W X Y Z
Bêrî Bihar - Ji Ku Heya Ku
145 Xwendin
0 Ecibandin
Asoya Helbesta Kurdî

Bêrî Bihar - Ji Ku Heya Ku

Ka binihêre!
Ev rê...
Ev rê rêya me ye
Bûye lûsa rawil û sewalan,
Ji fêkiyên nêrît û janên me,
Ji hêvî û ramanên me doşekên sitûr girêdane
Li ser wan mar û dûvpişkan pal dane,
Dûyê qelûnên wan bûne ewrên reşgiran li ser baxên me.
Li benda barîna herî bi xişm me teyroka wan î xezeban.

Ka binihêre!
Ev rê...
Ev rê rêya me ye
Ji peşkên barana şerê azadîxwaziya me,
Pêlên dijwar yên neyartiyê dizên,
Ji ava zelal vedixwin dostên me!!!
Ew xwarinxurên demekî sifra me ya dewlemendiyê
şaredariya xwe avakirine li ser qûlpikên têrxwarinê.

Ka binihêre!
Tu nas dikî?
Ev rê rêya me bû
Rêya min û te,
Bûye korç û newal,
Di yek ji wan korçan de veşartî me ez,
Bûne delavokên hûrik di korçan de hestên me,
Weke sêwîstêrkan li hev civiyane.
Dilerizin...

çawa be jî, ev rê rêya me bû,
Xirab be jî ezê wê biparêz
Bi xwezaya xwe ya jinantiyê.
çawa be jî ked û xwêdana me rijiyayê.
Bixwazî dîsa were, hewl bide û bimeşe,
Ezê nas bikim pêlkirina te,
Nas bikim ezê,
Rêçên te yên nermik
Li ser çavên xwe...
Şîrove

Ka tu şîroveyeke giranbuha li vê helbestê nakî?