A B C D E F G H I J K L M N O P Q R S T U W X Y Z
Bedrîye Topaç - Hewr
287 Xwendin
1 Ecibandin
Asoya Helbesta Kurdî

Bedrîye Topaç - Hewr

Yew hewn bî
Yew hewn nêbî
Ez nêzan...
Ez nêzan...
Mi yew hewr di
Hewrode sipî
Hewrode sipî û azad
Erd ra azad
Asmên ra azad
Mi ra azad
Ez ginaya nê hewrî dima
Nê welatê mergî ra
Na puçiye ra
Nê tulê tarîyî ra
Ne hewranê siyayan ra remaya ez

Çimê mi padayî
Ruhê mi vêşan
Ez nê royan ra remaya
Nê royê ke hesiran kirişnenê zerrîya mi
Ez remaya nê ruhanê bêheskerdişan ra
Wext vindert
Dinya nêçerexiyê
Her çî cemedîya
Nêvindert hewro sipî
Nêvinderta ez
O şî
Ez şîya ey dima
Ez berda resnaya welatê estanikan
Mabênê xeyalanê sipîyan
Û vengê teyran...

*Çavkanî: Kovara Herd, hj: 4, r: 6, 2022