A B C D E F G H I J K L M N O P Q R S T U W X Y Z
Bahadîn Robar - Ez Memê Me
162 Xwendin
33 Ecibandin
Asoya Helbesta Kurdî

Bahadîn Robar - Ez Memê Me

Tu muhbet û qibleta min î pak û pîroz
Ez rêwî û sêwiyê te me şeb û roz
Hecî û tewafkarê bedena te me
Tu Xec î, tu Zîn î dildara dilsoz
Ez dara eşq û evînê me dil ligel
Birca Belek û mekanê Melê me
Kulmal im, diltalan im bêdexel
Ez Siyabend im, ez Memê me.
Tu roj û heyv î, lê tim winda yî li min
Şev û rojan ronîdar î li min xafil
Tu Şîrîn û Leyla yî, lew agir î li ser dil
Ez sêla sor im ku herdem agir li bin
Tu Avesta, Mishef û Qurana min î
Ez max û qewal û melayê te me
Tu Cûdî û Sîpan û Zagros î
Ez murîd û Mecnûn û Keremê te me.
Tu erd û asîman û bax û bihuşt î
Ji navê eşq û evînê welat û sirûşt î
Ez Cegerxwîn û Dilbirînê kulmirad im
Tu evîn û jîn û Gulîstana singserad î

*Ji pirtûka wî Birca Belek, r: 53, Weşanên Ar.
*Bi destûra helbestvanî ye.
Şîrove

Ka tu şîroveyeke giranbuha li vê helbestê nakî?