A B C D E F G H I J K L M N O P Q R S T U W X Y Z
Azer Osî - Dengvedana Evînê
93 Xwendin
1 Ecibandin
Asoya Helbesta Kurdî

Azer Osî - Dengvedana Evînê

Tu dizane
Bê evîn çiye
Dilsozî çiye
Hilgirtina wê çiye
Buhayêd wê çine
Tu nabînî Yar, bê evîna te
çi aniye serê min
Min melûl û jar dike
û bi min zor dibe
melevanî di deriya evîna te de
Delal û Yar
Evîna te xwe berdaye nav
hinavêd min
Li pêş xwe nabînim tu kesî
Tenê te
Wênê te
Dilê teyî ronî
xwenasînê berz dike
Tengezariyê pûç dike
Delal
Dixwazim bê min
dengê te
Ji guhên min dernekeve
dengvedana te
Bi xwînim ji boyî Awirên
çavên te
Bistirêm
Ta ku ev hêvî bi mîne
Tu kes pê nelîze
Wê gavê
Ezê xweş bi rêsim destana
evîna xwe
Bi destên xwe
Ezê bi dilsozî rawestim
li ber Dergehê Evîndara xwe
Jêre peymana xwe
Nameya xwe bibim serî
Hingî wê demê
xweş dibe mirin
di hembêza xwezayê de
Şîrove

Ka tu şîroveyeke giranbuha li vê helbestê nakî?