A B C D E F G H I J K L M N O P Q R S T U W X Y Z
Arjen Arî - Taa Ferwerdînek Din
184 Xwendin
2 Ecibandin
Asoya Helbesta Kurdî

Arjen Arî - Taa Ferwerdînek Din

ramûsanan rêz bikim li gerdena te morî-morî
dûra te himbêz bikim, te...
binêr, ferwerdîn hat û buhurî li min û te û
berê me li payîza umr e
temen buharê de xweş e, evîn di buharê de...

hij te kiribim
şewitîbim li ser te, peritîbim parî-parî
bihêl, sayên xewrevên bela bikin zûrîn
kundokên sewthejar bela bixwînin şevê
gund dihise, bajar dibihîze
daxuyaniya evînê me, li devê derî

pêdikevin çirayên korik
pê re ewan-ewan dertên kolanan rohniyên mirî
dest pê dike kurtepistî, çavnebarî
ketibî ser zimanan tu bi zînî
û memê te ez bim heke
şerm meke
veke deriyê dubask
paxila xasxask li min veke
û piştekê bide pişt derî
taa ferwerdînek din
vem-meke!
Şîrove

Ka tu şîroveyeke giranbuha li vê helbestê nakî?

Helbestên din ên Helbestvanî/ê