A B C D E F G H I J K L M N O P Q R S T U W X Y Z
Arjen Arî - Hêvî
1080 Xwendin
7 Ecibandin
Asoya Helbesta Kurdî

Arjen Arî - Hêvî

hêleke min diqutife ji sermê
çiya keleheke asê, rê asê,dem asê
hêviya min kulîlka binê berfê
ha bel bû ha bel bibê
û berf tê

tê..!

bibare berfê
li ber xwe bide kulîlkê,
tu ji vê axê yî, ez ji vê axê..!

wê vebe rengo rengo
piştî taveke xwêjinkî keskesor
sihareke rûbihar e hêviya min
tîrêj-bişirîn rojeke gulî-sor
ha hilat ha hiltê
û berf tê

tê..!

bibare berfê
li ber xwe bide kulîlkê
berf li hêlekê, tu li hêlekê
hêviya min jî bihar e
Helbestên din ên Helbestvanî/ê