A B C D E F G H I J K L M N O P Q R S T U W X Y Z
Arjen Arî - Bihar Miqamek Zozan e
206 Xwendin
0 Ecibandin
Asoya Helbesta Kurdî

Arjen Arî - Bihar Miqamek Zozan e

biharê girt bi ser me de
li hawir dor kesk û sor,
rabûne dîlanê kulîlk.
d' dawetê te çepik, tilîlî
li çar hêla, rengên vejînê

ji pêlên behra dinê
dilopek ked
dilopek cehd,
wext,
karkerek hesinker e,
gundî dasên xwe didinê
roj dimînê li dewsa min.
di biharan de tevgera min
ji sed salan li rojhelat
bi xwîn e, bi xwêdan e
li çar hêla jiyana min.

û adar e niha
di çiyan de dengê Kawa;
bihar miqamek zozan e.
bihile berfa Zîlan!
qeşa Amed tu?
tu Hemedan!
Dêrsim!
lê Dêrsim!
li Tûjik bihar, li zîndana agir dadane!

*Ji pirtûka wî: "Heftê û Du Nefî"
*Deşîfre: Xendekî
Şîrove

Ka tu şîroveyeke giranbuha li vê helbestê nakî?

Helbestên din ên Helbestvanî/ê