A B C D E F G H I J K L M N O P Q R S T U W X Y Z
Arjen Arî - Bêdîn im, Îman Berdayî
8697 Xwendin
55 Ecibandin
Asoya Helbesta Kurdî

Arjen Arî - Bêdîn im, Îman Berdayî

hisret û meyl û tenayî
ne şiyar im, ne razayî
li ber çavan tu xuyayî

xewa heyî evînê bir
hisret ji meylê bû pir
xwe berda dil b`dujminayî.

xwe berda... kûr xwe berda,
ji lêvan xwe berjêr berda;
kasa meyger de tenayî...

meyger ev kas ya çenda ye?
bi navê bedo te mey meye
tahm-hisret reng-sûriyayî?

meyger meyek din werîne.
hizr û meylê jê derîne,
da bide min tahmek xudayî

wê şevê, derengî şevê
berdam meyger, berdam xewê
kase bûn lêvê bedewê.

bedew hizr e bedew meyl e
qeyse wê me j`min re leyl e
evîndar û dil memdayî

şewt ne bes, kizîn ne bes e?
ev şev û mey û ev kas e...
bêdîn im, îman berdayî!...
Helbestên din ên Helbestvanî/ê