A B C D E F G H I J K L M N O P Q R S T U W X Y Z
A. Bedir - Dîwana Hespên Xayîkuj: Dewrêş
225 Xwendin
1 Ecibandin
Asoya Helbesta Kurdî

A. Bedir - Dîwana Hespên Xayîkuj: Dewrêş

1
derî vedibe ji xemê re. di fela fîncanekî de hespek tê barkirin. tê barkirin bi xema jin û mêrekî.
simbêla mêrekî, keziyên jinekî li hespê dikin. li ber konekî,
li ba konekî…
ji pişta çiyayê Şengalê, li deşta Herrana pîr… hespek tê barkirin. di terkiyeke hespê de simbêla mêrekî,
di terkiya din de keziyên jinekî... (bar, li esmîn rast dibe!)

2
( /keriyek hêsir diherikin ji guhera kilan, ber bi şeva sûretan. çavên mayîyan dibin nelên bin pîyên hespan.
ji siyarekî re vedibe derîyê fîncana li destê jina Êzdî. singê siyar bûye sinîya fîncanê.
/nexşê hespekî pêşikestî li ser fîncanê…/

cotek kezîyên birî dibin gemê hespê. kolemişkek dibe gora siyar.
cotek kezî dibin gemê hespê.
singê sîyar dibe sinî ji fincana xemê re./ )

3
-erê dilo! tu bibî hibra vê çirokê! amîn! ku tu fîncana vê xemê yî.-
/fîncanê, remla xemê danî./
Edûl bû, kezîkurra konê danzde stûnî bû.
xemrês bû, xemkêş bû. kirasê gula sor,
birîna siyarê êla jor bû. li ser zimanê min gotina har,
li ser zimanê min, dergûşa zarr bû.
di fîncana qehwê de firek jehr bû.

*Xemzêm, Weşanên J&J, r: 44, 2016
**Bi destûra helbestvanî ye.